Vita quid est hominis? Fumus super aream missus. Vita quid est hominis? Via mortis, dura laborum Colluvies, vita est hominis via longa doloris Perpetui. Vita quid est hominis? cruciatus et error, Vita quid est hominis? vestitus gramine multo, Floribus et variis campus, quem parva pruina Expoliat, sic vitam hominum mors impia tollit. Quamlibet illa alacris, vegeta, aut opulenta ne felix, Icta cadit modica crede ægritudine mortis. Et quamvis superes auro vel murice Croesum, Longævum aut annis vivendo Nestora vincas, Omnia mors æquat, vitæ meta ultima mors est. IMPERATOR. Quid fers? Induperator ego, et moderamina rerum Gesto manu, domuit mors impia sceptra potentum. REX RHOMANUS. Quid fers? en ego Rhomulidum rex. Mors manet omnes. PAPA. En ego Pontificum primus, signansque resignans. Et coelos oraque locos. Mors te manet ergo. CARDINALIS. Cardineo fulgens ego honore, et Episcopus ecce Mors manet ecce omnes, Phrygeus quos pileus ornat. EPISCOPUS. Insula splendidior vestit mea, tempora latum Possideo imperium, multi mea jura tremiscunt. Me dicant fraudis docti, producere lites. Experti, aucupium docti nummorum, et averni Causidici, rixatores, rabulæque forenses. Hos ego respicio, nihil attendens animarum, Ecclesiæ mihi commissæ populive salutem Sed satis est duros loculo infarcisse labores Agricolûm, et magnis placuisse heroibus orbis. Non tamen effugies mortis mala spicula duræ. ECCLESIÆ PRÆLATUS. Ecclesiæ prælatus ego multis venerandus Muneribus sacris, proventibus officiorum. Comptior est vestis, popina frequentior æde Sacra, et psalmorum cantus mihi rarior ipso Talorum crepitu, Veneris quoque voce sonora. Morte cades, annos speras ubi vivere plures. CANONICUS. En ego melotam gesto. Mors sæva propinquat. PASTOR. En parochus quoque pastor ego, mihi dulce falernum Notius æde sacra: scortum mihi charius ipsa Est animæ cura populi. Mors te manet ergo. ABBAS. En abbas venio, Veneris quoque ventris amicus. Coenobii rara est mihi cura, frequentior aula Magnorum heroum. Chorea saltabis eadem. PRIOR. En prior, ornatus longa et splendente cuculla, Falce cades mortis. Mors aufert nomina honoris. PATER VESTALIUM. Nympharum pater ecce ego sum ventrosior, offis Pinguibus emacerans corpus. Mors te manet ipsa. VESTALIS NYMPHA. En monialis ego, Vestæ servire parata. Non te Vesta potest mortis subducere castris. LEGATUS. Legatus venio culparum vincla resolvemus Omnia pro auro, abiens coelum vendo, infera claudo Et quicquid patres sanxerunt, munere solvo Juribus à mortis non te legatio solvet. DOMINUS DOCTOR. Quid fers? Ecce sophus, divina humanaque jura Calleo, et à populo doctor Rabbique salutor, Te manet expectans mors ultima linea rerum. MEDICUS. En ego sum medicus, vitam producere gnarus, Venis lustratis morborum nomina dico, Non poteris duræ mortis vitare sagittas.