2. Manus sinistra poni debet super missale ad Evangelium, cum dextera fit signum crucis super ipsum. 7. Sept. 1816 in u. Tuden. ad 25. 3. In Missis privatis ad verba "Et incarnatus est", Celebrans genuflectere debet _unico genu_. 22. Aug. 1818 in u. Hispal. ad 10. Ad § VII. _De Offertorio usque ad Canonem._ 1. In dubio: an in Missa privata, quando minister non est superpelliceo indutus, debeat eum, lecto Offertorio a Celebrante, ad altare ascendere, accipere et plicare velum calicis, vel hic ritus reservari debeat ministris superpelliceo indutis vel etiam Celebrans ipse debeat plicare velum et super altare ponere? _servanda est consuetudo._ 12. Aug. 1854 ad 69 (Anal. II. p. 2200). 2. In quaestione: utrum parvi cochlearis pro aqua in calicem infundenda usus sit omnibus licitus? _servanda est rubrica._ 7. Sept. 1850 in u. Rupel. ad 13. 3. _Praxis extergendi calicem cum purificatorio_ ad abstergendas guttas vini adhaerentes lateribus interioribus cuppae calicis, quae aliquando resiliunt, dum praeparatur ipsemet calix, _magis congruit et summopere laudabilis est_. 7. Sept. 1816 in u. Tuden. ad 28.--_Relinqui_ vero _potest Sacerdotis arbitrio_ utrum purificatorium ponere velit super pedem calicis dum praeparatur (vinum ad offertorium infunditur), vel potius super patenam. Ibid. ad 29. 4. Oratio "Deus qui humanae" incipienda est a sacerdote eodem momento, quo benedicit aquam; _non_ vero prius aqua benedicatur nihil dicendo, atque tunc demum, facto signo crucis, illa oratio incipiatur. 12. Aug. 1854 ad d. 25. (Anal. Jur. Pontif. II. p. 2193). 5. Cruces quæ fiunt super oblata a sacerdote, non debent fieri manu transversa sed _manu recta_. 4. Aug. 1663 in u. Dalmat. ad 4.--_In benedictionibus congruentior juxta rubricas et ritum videtur modus benedicendi manu recta, et digitis simul unitis et extensis._ 24. Jun. 1683 in u. Abling. ad 6. 6. _Congruit, ut fert praxis universalis, praesertim Urbis_, quod fiat inclinatio capitis in fine Psalmi "Lavabo" (ad "Gloria Patri"), qui dicitur in Missa, sicut praescribitur in principio Missae. 7. Sept. 1816 in u. Tuden. ad 37. Ad § VIII. _De Canone usque ad Consecrationem._ 1. Ad quaestionem: an Sacerdos dicere debeat "Te igitur" in principio Canonis, dum elevat manus et oculos; vel incipere debeat, dum est jam in profundo inclinatus? _servanda est rubrica de ritu servando in celebratione Missae tit. 8, num. 1, et altera Canoni praefixa._ 7. Sept. 1816 in u. Tuden. ad 33. 2. Omnes sacerdotes celebrantes, dum in Canone Missae Papam nominant, debent _juxta rubricam_ caput inclinare. 23. Mai 1846 in u. Tuden. ad 6.